जाहाँय होड़ नित होंको मेनेदा, ओन्ते दो नोङका को रोडा़ हानका को रोडा़, ओनाते आले दो बाले कुसीयाक् काना। बोयहा निजे आ़तु रे ताँहे थिर काते दो आमाक् गे सोरेस ऐम बुझावा, मेनखान आपे आ़तु झाडा काते आरहों तो ऐटाक आ़तु दाँडा़ आगुय में। ओनका मा हिन्दी हों मिद लेका बाको रोडा़, महाराष्ट्र हिन्दी भेगार, दिल्ली हिन्दी भेगार, बिहार हिन्दी भेगार, भोजपुरी हिन्दी भेगार ऐमान।
नोवा हिन्दी रेयाक् कहावत पाले बाङ पे आँजोम आकादा से माचेद् को तापे हों बाङ को लाई आकावाद् पेया, "कोस-कोस पर बदले पानी, चार कोस पर वाणी।"
नोवां रेयाक् अर्थ पे बाडाय काक् खान तेहेंञ "अलचिकी" दो बाङ पे बिरोध केया।
"अलचिकी" दो "लिपी script" काना, "अलचिकी" दो "भाषा language" दो बाङ काना।
काथा दो हुयुक् काना नित आबो स्कुल, कॉलेज रे जाहाँ ला़ना़ई(उत्तर) "देवनागरी" लिपी तेबो ऐम ऐद दो, ओनका गे जेखोन आबो हों सान्ताडी़/संताली भाषा लागिद् नित दो "अलचिकी" लिपी ताबो मेनाक्, ऐनखान चेदाक् ओना चिकी ते ला़ना़ई बाबो ओला ? आपे दो आपे लेका गे अल पेसे, आपे जाहाँ लेका पे रोडा़, उडिसा बाला जाहाँ लेका को रोडा़ उनकु हों ओनका गेको अल होचोवान, बंगाल बाला हों आको लेका गे, असम रिन हों ओनका गे, ओना रेमा चेद ऐटकेटणे बा़नुक् आ। नोवां गेतो आबोवाक् खुबी अल तेगेम बाडायोक् आम ओका टोठा रिनिज् कानाम।
आबो दो बाबो मेन ऐदा जे "अलचिकी" ते ओलोक् पाडहाव हुय लेनखान रोड़ हों बोदोल हुयुक् आ, ओनकान काथा दो मोटे-मोटे बाङ काना। आबोवाक् मेन दो नित जाहाँ सान्ताडी़/संताली लागिद् "देवनागरी" तेबो अल ऐद दो ओना गे आबो "ᱚᱞᱪᱤᱠᱤअलचिकी" लिपी तेबो ओलोक्-आ। बास नोवां काथा गे बुझाव ताबोन पे।
नोंडे अकय हों 10 बछर तायोम बाबो चालाक् आसे 10 बछर माडा़ङ हों बाङ।
दोहडा़ ते आरहों ईञ मेन ऐदा, नित जाहाँ सान्ताडी़/संताली पारसी लागिद् "देवनागरी" बो बेबहार ऐदा, ओना ठाँव रे सान्ताडी़/संताली पारसी लागिद् सानाम सान्ताड़/संताल को "ᱚᱞᱪᱤᱠᱤअलचिकी" बो बेबहार मा बास निया़ गे काथा दो। रोड़ दो अकय हों बाबो बोदोला, आपे सेद ओका लेकापे रोडा़/आडा़ङ ओनका अल पे, आले सेद ओका लेकाले रोडा़/आडा़ङ आले ओनका ले ओला। ओने को लाई आकाद लेका, "कोस-कोस पर बदले पानी, चार कोस पर वाणी।"
ओनाते देला सानाम को आबो ᱚᱞᱪᱤᱠᱤ तेबो ओलोक् मा। पारसी/भाषा अकय शुद्ध से अशुद्ध रोड़ कानाय, ओना प्रमाण-पत्र हा़टिञ से ऐमोक् रिन आबो दो अकय होबो बाङ काना।
ओनाते देला सानाम को अलचिकी दुलाड़ मा, ओलोक् पाड़हाक मा, 2025 ते पुरा भारत सावंते विश्व रे सान्ताडी़/संताली लागिद् दो "ᱚᱞᱪᱤᱠᱤअलचिकी" गे गोटा ञेलोक् मा जोहार
ईञ गे बा़पुडि़ज,
कुसियाक् खान नोवां अल, ऐखान जाहाँय नित हों मोने रे हिदिज् मेनाक् गेया, उनकु ठेन सेटेर काक् मा।
